Apka koi karibi agar aapse baat krna kam kr de ya fir aapse milna julna band kr de to aap akelepan yani loneliness ka shikar ho skte ho. Mere sath bhi bilkul aisa he ho chukka hai. hello dosto mera naam vishakha hai. meri best friend thi Tanya . Hum dono 6th class se ek sath hai or best friend bhi hai. humne school sath me pass kiya fir college bhi sath he gae. Aisa koi din nhi hota jab hum ek dusre se baat nhi kiya krte the ya mila nhi krte the. humare ghar pass mein the to ek dusre ke ghar bhi aana jana laga rhta tha. Lga kya rhta tha hum jyadtar ek dusre ke ghar he rha krte the. humari family bhi ek dusre ko janti hai to koi jyada problem bhi nhi hoti thi. Tanya or mujhe ek dusre ki har chiz malum thi

Har baat hum share kiya krte the. yaha tak ki boyfriend ke sath hui baaten bhi hum share kr lete the. fir ek din use ladke wale dekhne ke liye aaye hum bahut khush the. bahut sari baaten ki un se Par ander kahi na kahi ek dar tha ki ab hum dono alag ho jaenge. Yani ab wo baat nhi rh jaegi jo phehle hua karti thi.

Or fir wo din aya jab uski shadi ho gai main bahut khsuh thi or shadi me sabse aage main thi. Har waqt uske sath. Wo marriage  kr ke apne naye ghar chali gai. or mujhe chhod gai. kuch din tak to humari phone par baaten hoti rhi. Fir dhire dhire baat hona band ho gai or shuru hua mera akelapan. Is bare me jyada knowledge nhi thi ki ye ek mental illness bhi ban sakta hai or main depressed hoti chali gai.

Mere dimag me ek he thought baar baar ane lga. dusre kaam me man lagna bilkul band ho gya. Me bina baat bar bhi bahut sad aur negative feel karti thi.  ye loneliness mujhe ander se khaye ja rha tha main kahi job krna chahti thi par wo bhi possible nhi ho pa rha tha. Or dusre dosto se meri baatchit lagbhag na ke brabar thi or waise bhi sab apne apne kaam me busy the. mujhe lagta tha ki main bilkul bhi talented nhi hu sabke pass krne ko kuch na kuch hai par main ek dum baikar baithi hu. ye negativity badhti gai or mera dusro se baat krna bhi band ho gya. family me 4 he log hai to unse baatchit krti thi par bahar kisi se nhi.

Ab main apna time TV or social media par bahut jyada bitane lagi. Wo kahte hai na ki dubate ko tinke ka sahara to mujhe social media ka sahara mil to hua yu ki ek din main facebook par yuhi scroll kr rhi thi ki koi mental health se related page samne aya or maine use follow kr liya. Mujhe nhi pta tha wo page meri jindagi badal skta hai. us page par mental health se related kai article the. or unme se ek loneliness par tha jab maine padha to maine apne sath ho rhe symptoms ko loneliness jaise mental health problem se bilkul ek jaisa paya. Or main sure ho gai ki main akelepan ka shikar thi. Us article me loneliness se deal krne ke kai trike bhi btaye hue the or mujhe samjhmaa gya ki agar mujhe aage badhna hai to ye mujhe krna he hoaga. logo se milna julna family ke sath, relative ke yaha jana. or maine nayi hobby ke liye silayi bhi sikh li. Ab mera ek boutique hai jaha par 2 worker bhi maine hire kiye hue hai.

Bad experience aapko kuch na kuch sikhate hai mujhe bhi meri mental health problem ne mujhe apne pairo par khada hona sikha diya or aaj main independent or ek working women hu. ab to ye baaten share krne ke liye bhi mere pass time nhi hai par apni sabse achhi dost Tanya ke kahne par he yaha par apni story share kr rhi hu.

Thank you.

Personal Story: By Vishakha Singh