Main ek private company mein me job krta hu. marriage ko 6 saal ho gae hai or mera ek 4 saal ka beta hai. main daily 12 hours ki job karta hu 9 hours shit ke or 3 hours overtime. Karib ek saal pehle main office se apni bike par ghar aa rha tha. To suddenly aage koi accident hua to mujhe bike ki break lgane ka bhi time nhi mila or main bhi us accident ki chapet me aa gya. Mujhe us time koi hosh nhi thi or jab utha to mere ek pair or ek hath me plaster chad gya. meri family aspas khadi thi or main bed par leta tha.

Us time Doctor ne kaha ki ek month me paster khul jaega. aap theek ho jaoge. Sabhi ne rahat ki saans li ki chalo ek mahine baad sab theek ho jaega. Lekin mere dusre pair me chot lgi thi or wo theek hone ka naam nhi le rhi thi or wo theek hone ke baad us par bhi plaster chadhaya jana tha. Itne me ek  mahina beet gya or ek hath or ek pair ka plaster khul gya par dusre pair ki injury theek nhi ho rhi thi.

Mujhe hospital me approximately ek month ho gya tha. Ab doctor se pucha to unhone btaya ki aapko diabetes hai or apke pair ki chot gehri hai, theek hone me time lgega. Or uske baad he wo plaster chadhayenge or fir main ghr ja skta hu. Halaki ghar jane ki baat unhone mujhe nhi btai kyoki unhe bhi nhi pta tha ki wo chot kab tak theek hogi.

Ab ye chinta mujhe satane lge or mera kuch krne ka man nhi karta tha bas baith kr apne future ke bare me sochta. Mujhe apne ghar apni wife or apne bete ki chinta satane lagti.

Main diwar ko dekhta rehta or wahi kahi gum ho jata. Bina waja rone lgta. Mujhe lgta ki meri sari energy yhi par waste ho rhi hai, main apne kaam apni job ke liye bahut dedicated hu or meri life yaha khrab ho rhi hai. or badi baat thi ye sab main feel kar pa rha tha. diwar ko ghurte rhna or kabi bhi rone lgna. kai tarah ki negative thoughts bina chahe mind me bar bar repeat hoti. uske baare me sochkar sar dard hota aur mind blank ho jaata.

Ye depression nhi to or kya tha halaki mujhe us waqt is baare me intni jankari nhi thi or jankari hasil krne ka bhi man nhi krta tha halaki main us waqt ko phone par social media par ya kisi se baat kr ke bhi kaat skta tha par wo mujhse hota he nhi tha. kisi se baat bhi nhi krta tha. Hospital me log/relative milne aate rhte to unhe sath has bol leta tha.

Ab ghr walo ko bhi ye mental illness ke symptoms dikahi dene lge the wo samjh rhe the ki tension lene ke karan aisa ho rha hai jabki baat ab usse kafi aage badh chuki thi.  Aise he 3 mahine beet gae or par meri chot nhi theek hui par meri family ne Doctor se request kr ke mujhe hospital se ghar le aaye par pair me fracture hone ki wajh se main uth nhi skta tha or chot abhi puri trha theek nhi hui thi.

Kuch time baad chot theek hui or mere pair me plaster chada or jab wo theek hua to mujhe shayd sochne ka mauka mila ki mujhe hua kya hai. Filhal mere counseling sessions chal rhe hai. medicine to nhi le rha hu par agar kuch time or main us jagah reh jata to depression ki medicine le rha hota.

Ye sab shayd itna isliye badh gya kyoki mujhe mental illness ya mental health par koi jankari nhi thi ya jo thi wo bahut thodi thi or yhi soch kr main apni baat yaha share kr rha hu ki shayd koi ise padhega or mere experience se apne mental health me sudhar la paega.

Thank you

Personal Story: By Rohit Taneja